የቅድመ ልጅነት አስተማሪ የክፍያ ፍትሃዊነት የገንዘብ ድጋፍን በሚመለከት ተጨማሪ መረጃ ለማግኘት እዚህ ጠቅ ያድርጉ።

ስለ ቅድመ ልጅነት አስተማሪ የክፍያ ፍትሃዊነት የገንዘብ ድጋፍ

ዲስትሪክቱ ለቅድመ ልጅነት አስተማሪዎች ትልቅ ግምት የሚሰጥ ሲሆን ደሞዛቸው ትንንሽ ልጆችን እና ቤተሰቦችን በመደገፍ ያላቸውን ታታሪነት እንዲያንጸባርቅ ይፈልጋል።

የቅድመ ልጅነት አስተማሪ የክፍያ ፍትሃዊነት የገንዘብ ድጋፍ የልጅ እንክብካቤ አገልግሎት አቅራቢዎች ለሰራተኞቻቸው የሚሰጡትን ማካካሻ እንዲጨምሩ ይደግፋል። በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ በመሳተፍ፣ የልጅ እንክብካቤ ተቋማት ብቁ የሆኑ ሰራተኞችን ለመቅጠር እና ለማቆየት እንዲሁም የቅድመ ልጅነት አስተማሪዎችን ትልቅና ብሩህ የወደፊት ሕይወት ለመገንባት ተወዳዳሪ ደመወዞችን ሊያቀርቡ ይችላሉ።

የቅድመ ልጅነት አስተማሪ የክፍያ ፍትሃዊነት የገንዘብ ድጋፍ ለመቀበል አንድ የሕፃናት እንክብካቤ አቅራቢ የሚከተሉትን ማድረግ አለበት፡

1. በስቴቱ የትምህርት የበላይ ተቆጣጣሪ (OSSE) ጽሕፈት ቤት ፈቃድ ያለው ተቋም ወይም ተቋማት ማስተዳደር፤
2. ብቁ ለሆኑ የቅድመ ልጅነት አስተማሪዎች፣ በስራ ደረጃ እና በዲግሪ፣ በOSSE የተቀመጠውን ዝቅተኛ ደመወዝ የሚያሟላ ወይም የሚበልጥ ደመወዝ ለመክፈል መስማማት፤ እና
3. በፕሮግራሙ ለመሳተፍ በOSSE የተሰየመውን የማመልከቻ እና የስምምነት ሂደት ማጠናቀቅ።

በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ የሚሳተፉ የልጅ እንክብካቤ አቅራቢዎች በOSSE የተቀመጠውን የፋይናንስ ቀመር በመጠቀም የተሰሉ በሩብ ዓመት የሚሰጡ ክፍያዎችን ይቀበላሉ። አንድ አቅራቢ የመጀመሪያውን የሩብ ዓመት ሽልማት ክፍያ ከOSSE ከተቀበሉ በኋላ፣ የጸደቀ መታለፍ ያላቸው ካልሆነ በስተቀር በOSSE የተቀመጡትን የዝቅተኛ ደመወዝ ወይም የሰዓት ክፍያ መስፈርቶች የሚያሟላ ወይም ከዚያ የሚበልጥ ደመወዝ ብቁ ለሆኑ የቅድመ ልጅነት አስተማሪዎች መክፈል ይጠበቅባቸዋል።

የቅድመ ልጅነት አስተማሪ የክፍያ ፍትሃዊነት የገንዘብ ድጋፍ በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ማቋቋሚያ ህግ 2021 (ዲሲ ሕግ 24-45፤ ዲሲ ኦፊሴላዊ ኮድ § 1-325.431) የተፈቀደ ሲሆን በበጀት ዓመት 2025 የበጀት ድጋፍ ህግ 2024 መሠረት በOSSE ይተገበራል። (D.C. Act 25-506, § 4083(b), 71 DCR 8406.) በዲሲ ኦፊሴላዊ ሕግ አንቀጽ 38-2242 መሠረት የተቋቋመው የቅድመ ልጅነት አስተማሪ ፍትሃዊ ማካካሻ ግብረ ኃይል። 

እንዴት መሳተፍ እንደሚቻል

OSSE በአሁኑ ጊዜ በ2025 የበጀት ዓመት (FY25) በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ ለመሳተፍ ከልጅ እንክብካቤ አቅራቢዎች ማመልከቻዎችን በመቀበል ላይ ነው።

በአሁኑ ወቅት በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ የማይሳተፉ የልጅ እንክብካቤ አቅራቢዎች የማመልከቻ ሂደቱን ለማጠናቀቅ በዚህ መመሪያ ውስጥ ያሉትን ደረጃዎች መከተል አለባቸው። በFY25 የመጀመሪያ ሩብ ዓመት ውስጥ የገንዘብ ድጋፍ ለመቀበል ብቁ ለመሆን ማመልከቻውን ለማቅረብ ቀነ ገደቡ ሴፕቴምበር 15፥ 2024፣ 5 p.m ላይ ነው

በአሁኑ ወቅት በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ የሚሳተፉ የልጅ እንክብካቤ አቅራቢዎች በFY25 ውስጥ ተሳትፏቸውን ለመቀጠል አዲስ ማመልከቻ ማቅረብ አያስፈልጋቸውም። OSSE በFY24 ውስጥ በፕሮግራሙ ውስጥ ለመሳተፍ ለመረጡ አቅራቢዎች በFY25 ውስጥ እንዴት መቀጠል እንዳለባቸው መመሪያዎችን ልኳል።

የበጀት ዓመት 2025 (FY25)

ማወቅ ያለብዎት ቀናት

ከላይ ያለው ሠንጠረዥ ለFY25 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ ቁልፍ ቀናትን ያቀርባል። በፕሮግራሙ ውስጥ ለመሳተፍ የሚያመለክቱ የልጅ እንክብካቤ አቅራቢዎች ማመልከቻውን ለማስገባት እና የአቅራቢ ስምምነትን ለማጠናቀቅ የጊዜ ገደቦችን በተመለከተ ጠንቃቃ መሆን አለባቸው።

በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ የሚሳተፉ የልጅ እንክብካቤ አቅራቢዎች በየሩብ ዓመቱ በቅድመ ትምህርት ፈቃድ መሳሪያ ክፍል (DELLT) ውስጥ የሰራተኞችን መዝገቦች ለመገምገም እና ለማዘመን የጊዜ ገደቡን ማስታወስ አለባቸው። የሽልማት ክፍያዎ የሚሰላው ከDELLT እና ከልጅ እንክብካቤ ድጎማ ፕሮግራም የሚገኘውን መረጃ በመጠቀም ስለሆነ የሰራተኞች መዝገቦች ወቅታዊ መሆናቸው አስፈላጊ ነው። በDELLT ውስጥ የሰራተኞችን መዝገቦች ለማዘመን የተሰጡት የጊዜ ገደቦች አቅራቢዎች ድጋፍ ሰጪ ሰነዶችን ለመስቀል እና አስፈላጊ ከሆነም የሰራተኞችን መዝገቦች ለማዘመን የተቀመጡ የጊዜ ገደቦች ናቸው። እነዚህ የሰራተኛ መዝገቦች በOSSE የሚጸድቁባቸው ቀነ ገደቦች አይደሉም። ከእያንዳንዱ የሩብ-ዓመት የመጨረሻ ቀነ-ገደብ በኋላ፣ የተመደበው ፈቃድ ሰጪ ልዩ ባለሙያ አዲስ የተጫኑትን ሰነዶች እና የሰራተኞች መዛግብት ላይ የተደረጉ ሌሎች ዝማኔዎችን ይገመግማል። በDELLT ውስጥ ያሉትን የሰራተኞችን መዛግብት እንዴት ማዘመን ይችላሉ የሚለውን በተመለከተ ተጨማሪ መረጃ እዚህ ይገኛል።

የገንዘብ ድጋፍ ቀመር እና ዝቅተኛ ደመወዝ

OSSE እስካሁን ድረስ የገንዘብ ድጋፍ ቀመርን እና ለFY25 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ የሚፈለግ ዝቅተኛ ደመወዝን በተመለከተ ፖሊሲዎችን ወይም መመሪያዎችን አላወጣም። የ2024 የFY25 የበጀት ድጋፍ ህግ የቅድመ ልጅነት አስተማሪ ፍትሃዊ ክፍያ ግብረ ኃይል እስከ ሴፕቴምበር 30፣ 2024 ድረስ ለከንቲባው እና ለዲሲ ምክር ቤት ሪፖርት እንዲያቀርብ መመሪያ ይሰጣል፣ ይህም ለFY25 እና ለወደፊቱ የበጀት ዓመታት ዝቅተኛ ደመወዝ እና የገንዘብ ድጋፍ ቀመር ላይ ሊደረጉ የሚችሉ ለውጦችን “እስከ በጀት ዓመት 2028 ድረስ በቅድመ ልጅነት አስተማሪ ፍትሃዊ ክፍያ ፕሮግራም ላይ የፋይናንስ ጫናዎችን ለመገደብ የሚረዱ ምክሮችን ያቀርባል”። የግብረ ኃይሉ የመጨረሻ ሪፖርት ከቀረበ እና በዲሲ ምክር ቤት ለዚህ ሪፖርት ምላሽ ለመስጠት ከሚወሰድ ማንኛውም የሕግ እርምጃ በኋላ፣ OSSE የቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ ለሚሳተፉ የልጅ እድገት አገልግሎት አቅራቢዎች ለFY25 ስለሚኖሩ የዝቅተኛ ደመወዝ እና የፋይናንስ ቀመር ምደባዎች ተጨማሪ መመሪያዎችን ያካፍላል። OSSE የልጅ እንክብካቤ አገልግሎት አቅራቢዎች የዝቅተኛ ደመወዝ መመሪያን ማሟላታቸውን ይቆጣጠራል እንዲሁም የሩብ ዓመቱ ክፍያ በሚከፈልበት ወቅት ተፈፃሚ በሚሆነው የዲሲ ሕግ መሠረት በFY25 በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ ለሚሳተፉ የልጅ እንክብካቤ አገልግሎት አቅራቢዎች የሩብ ዓመት ክፍያዎችን ያከፋፍላል።

ለልጅ እንክብካቤ አቅራቢዎች የሚሆኑ መርጃ ሀብቶች

የማመልከቻ መርጃ ሀብቶች

• በFY25 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ ለመሳተፍ እንዴት ማመልከት እንደሚቻል፡ ለአዳዲስ አቅራቢዎች የሚጠቅሙ መመሪያዎች

የአቅራቢ ስምምነት

• የFY25 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ የአቅራቢ ስምምነት ናሙና
• ለ2024 በጀት አመት (FY24) የኤርሊ ቻይልድ ሁድ የአስተማሪዎች ክፍያ ኢኩዊቲ ፈንድ ኮሎምቢያ ዲስትሪክት አገልግሎት ሰጪ ስምምነት ላይ የተደረገውን ለውጥ ማሳወቂያ

የበጀት ዓመት 2024

ማወቅ ያለብዎት ቀናት

የገንዘብ ድጋፍ ቀመር

የልጆች እድገት ተቋም (CDF) የደመወዝ ክፍያ የገንዘብ ድጋፍ ቀመር OSSE በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ ለመሳተፍ የመረጠ የልጅ እንክብካቤ አገልግሎት አቅራቢ በየሩብ ዓመቱ የሚቀበለውን የክፍያ መጠን እንዴት እንደሚወስን በዝርዝር ያብራራል። የFY24 CDF የደመወዝ ክፍያ የገንዘብ ድጋፍ ቀመር እዚህ ይገኛል። የቅድመ ልጅነት አስተማሪ የክፍያ ፍትሃዊነት የገንዘብ ድጋፍ በቀጥታ ለቅድመ ልጅነት አስተማሪዎች ተጨማሪ ክፍያዎችን ከማሰራጨት በCDF የደመወዝ ክፍያ የገንዘብ ድጋፍ ቀመር የሚሰጡ ክፍያዎችን ከOSSE ጋር የቅድመ ልጅነት አስተማሪ የክፍያ ፍትሃዊነት የገንዘብ ድጋፍ የአቅራቢ ስምምነት ላደረጉ የልጅ እንክብካቤ አገልግሎት አቅራቢዎች ወደ ማሰራጨት ስለተሸጋገረ ለFY24 የCDF የደመወዝ ክፍያ የገንዘብ ድጋፍ ቀመር የልጆች እድገት ተቋማትን ለመደገፍ ጊዜያዊ የቀመር ጭማሪን አካቷል።

ዝቅተኛ ደመወዝ እና የደመወዝ መርሃ ግብር

የገንዘብ ድጋፍ የሚያገኙ የልጅ እንክብካቤ አገልግሎት አቅራቢዎች ሁሉም መምህራን እና ረዳት መምህራን (በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ህግ በተገለጸው መሠረት) በስራ ሚና እና ባላቸው ማስረጃ፣ በOSSE የተቀመጡትን የዝቅተኛ ደመወዝ መስፈርቶች የሚያሟላ ወይም የሚበልጥ መደበኛ ደመወዝ ወይም የሰዓት ክፍያ እንደሚከፈላቸው ማረጋገጥ አለባቸው። በቅድመ ልጅነት አስተማሪ የክፍያ ፍትሃዊነት የገንዘብ ድጋፍ ውስጥ የሚሳተፉ የልጅ እድገት አገልግሎት አቅራቢዎች በOSSE የተፈቀደ ከዝቅተኛ ደመወዝ መስፈርት መታለፍ ያላቸው ካልሆኑ በስተቀር ለሁሉም ብቁ ለሆኑ የቅድመ ትምህርት አስተማሪዎች የዝቅተኛ ደመወዝ መስፈርትን ማሟላት ወይም መብለጥ አለባቸው። የFY24 ዝቅተኛ ደመወዝን የተመለከተ መረጃ እዚህ ይገኛል።

ለልጅ እንክብካቤ አቅራቢዎች የሚሆኑ መርጃ ሀብቶች

መመሪያዎች

• ለልጅ እድገት ተቋሟት አመራሮች በተደጋጋሚ የሚጠየቁ ጥያቄዎች (FAQ) (የዘመነው፦ ኤፕሪል 2024)
• የCDF የደመወዝ ክፍያ የገንዘብ ድጋፍ ቀመር መመሪያ (ሴፕቴምበር 2023)
• የአስተማሪን ዝቅተኛ ደመወዝ ለመወሰን የሚረዳ መመሪያ
• የዝቅተኛ ደመወዝ መስፈርት በዓመት ደመወዝ እና በሰዓት ክፍያ
• በDELLT ውስጥ በሩብ ዓመት የሚሰጥ የገንዘብ ድጋፍ መግለጫዎችን እንዴት ማግኘት እና መረዳት እንደሚቻል
• የሰራተኞች ለውጥ በCDF የደመወዝ ክፍያ የገንዘብ ድጋፍ ቀመር የሚሰጡ የገንዘብ ድጋፎች ላይ እንዴት ተጽዕኖ እንደሚያሳድር

የአቅራቢ ስምምነት

• ድጎማ-ለማይቀበሉ አቅራቢዎች የFY24 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ አቅራቢ ስምምነት ናሙና (የዘመነው፦ ሴፕቴምበር 2023)
• ድጎማ ለሚቀበሉ አቅራቢዎች የFY24 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ አቅራቢ ስምምነት ተጨማሪ ጽሁፍ ናሙና (የዘመነው፦ ሴፕቴምበር 2023)

ክትትል

• በFY24 የተሻሻለው የክትትል ፖሊሲ (የዘመነው፦ ጁን 2024)
• ክትትል ለማጠናቀቅ የሚረዳ መመሪያ (ድጎማ ለማይቀበሉ)

መታለፍ

• የFY24 የመታለፍ ፖሊሲ
• የFY24 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ የመታለፍ ማመልከቻ ናሙና
• ለFY24 የቅድመ ልጅነት አስተማሪ የክፍያ ፍትሃዊነት የገንዘብ ድጋፍ የመታለፍ ጥያቄ (የማመልከቻ ቅጽ)

ቨርችዋል የመረጃ ክፍለ ጊዜዎች ቅጂዎች

• ጁላይ 27 ድጎማ-ለማይቀበሉ አቅራቢዎች ቨርችዋል የመረጃ ክፍለ ጊዜ ቅጂ
• ጁላይ 31 ድጎማ-ለማይቀበሉ አቅራቢዎች ቨርችዋል የመረጃ ክፍለ ጊዜ ቅጂ
• ሴፕቴምበር 12 የአቅራቢ ስምምነት ቨርችዋል የመረጃ ክፍለ ጊዜ
• ሴፕቴምበር 14 የአቅራቢ ስምምነት ቨርችዋል የመረጃ ክፍለ ጊዜ

ለቅድመ ልጅነት አስተማሪዎች የሚሆኑ መርጃዎች

• ለቅድመ ልጅነት አስተማሪዎች የFY24 በተደጋጋሚ የሚጠየቁ ጥያቄዎች (FAQ)
• ኦገስት 22 ለቅድመ ልጅነት አስተማሪዎች ቨርችዋል የመረጃ ክፍለ ጊዜ
• ኦገስት 26 ለቅድመ ልጅነት አስተማሪዎች ምናባዊ የመረጃ ክፍለ ጊዜ
• የ2024 በጀት ዓመት (FY24) መታለፎች ለልጅ እድገት ተቋማት፥ የቅድመ ልጅነት አስተማሪዎች ሊያውቋቸው የሚገቡ ነገሮች