የዲሲ የልጆች እንክብካቤ ድጎማ ፕሮግራም ምንድን ነው?

የልጆች እንክብካቤ ድጎማ ፕሮግራም፣ የልጆች እንክብካቤ ቫውቸሮች ወይም የልጆች እንክብካቤ ድጎማዎች በመባልም የሚታወቀው ዝቅተኛ እና መካከለኛ ገቢ ያላቸው የዲሲ ቤተሰቦች እንዲሁም የልጆች እንክብካቤ ድጋፍ የሚፈልጉ ልዩ ሁኔታዎች ያላቸው ሰዎችን ይረዳል። የዲሲ የልጆች እንክብካቤ ድጎማ ፕሮግራም ብቁ ለሆኑ ቤተሰቦች የልጆች እንክብካቤ ወጪን በሙሉ ወይም በከፊል በቀጥታ ለልጆች እንክብካቤ አቅራቢው ይከፍላል። በገቢ ላይ በመመርኮዝ፣ አንድ ቤተሰብ የወጪውን የተወሰነ ክፍል ለአቅራቢው እንዲከፍል ሊጠየቅ ይችላል።

የልጆች እንክብካቤ ድጎማዎችን የት መጠቀም እችላለሁ?
ቤተሰቦች ድጎማዎችን በሚቀበል ፈቃድ ባለው የልጆች እድገት ተቋም ውስጥ ለሚቀርብ እንክብካቤ ለመክፈል የልጆች እንክብካቤ ድጎማዎችን መጠቀም ይችላሉ። ቤተሰቦች MyChildCare.dc.govን በመጠቀም ወይም DC Child Care Connectionsን በ (202) 829-2500 ወይም በ[email protected] በማነጋገር ድጎማዎችን የሚቀበሉ የልጆች እድገት ተቋማትን ዝርዝር ማግኘት ይችላሉ።

በተጨማሪም ቤተሰቦች በቤት-ውስጥ እንክብካቤ አቅራቢ ለሚቀርብ የልጆች እንክብካቤ አገልግሎት ለመክፈል የልጆች እንክብካቤ ድጎማዎችን መጠቀም ይችላሉ። በቤት-ውስጥ እንክብካቤ አቅራቢ ማለት በልጁ ቤት ውስጥ ልጁን ለመንከባከብ በቤተሰቡ የተመረጠ አገልግሎት አቅራቢ ነው። በቤት-ውስጥ እንክብካቤ አቅራቢዎች ቤተሰቡ ለልጆች እንክብካቤ ድጎማ ብቁ እንደሆነ ከተወሰነለት በኋላ በዲሲ የልጆች እንክብካቤ ድጎማ ፕሮግራም ውስጥ ለመሳተፍ ከስቴቱ የትምህርት የበላይ ተቆጣጣሪ ቢሮ (OSSE) ጋር ስምምነት ማድረግ አለባቸው። በቤት ውስጥ አቅራቢዎች የጀርባ ምርመራ ማድረግ እና በጤና እና ደህንነት ጉዳዮች ላይ ስልጠና ማግኘት አለባቸው።

 

የልጆች እንክብካቤ ድጎማ ለማግኘት ብቁ የሚሆነው ማን ነው?
ለልጆች እንክብካቤ ድጎማ ብቁነት የሚመሰረተው በፍላጎት እና በገቢ ግምገማ ላይ ነው። አብዛኛዎቹ ቤተሰቦች የገቢ ብቁነት መስፈርቶችን በማሟላት እና የልጁ ወላጅ(ጆች) ወይም ተቀዳሚ ተንከባካቢ(ዎች) በስራ ላይ ወይም በትምህርት ቤት በሚሆኑበት ጊዜ የልጆች እንክብካቤ እንደሚያስፈልግ በማሳየት ለልጆች እንክብካቤ ድጎማ ብቁ ይሆናሉ። ከገቢያቸው አንፃር ብቁ ከሆኑ ስራ ያላቸው ቤተሰቦች በተጨማሪ፣ የልጆች እንክብካቤ እርዳታ ለሚከተሉትም ይገኛል፡

• ጊዜያዊ እርዳታ ለተቸገሩ ቤተሰቦች (TANF) ጥቅማጥቅሞችን የሚያገኙ ቤተሰቦች፤
• በተጨማሪ የምግብ እርዳታ ፕሮግራም የሥራ እና ስልጠና (SNAP E&T) መርሃ ግብር ተሳታፊዎች፤
• በዲስትሪክት ኤጀንሲ በኩል በሥራ ፍለጋ ላይ የተሳተፉ ቤተሰቦች፤
• የሥራ አጥነት ኢንሹራንስ ጥቅማ ጥቅሞች ተቀባዮች፤
• በማደጎ እንክብካቤ ውስጥ ወይም በመከላከያ አገልግሎቶች ስር ያሉ ልጆች፤
• አካል ጉዳተኛ ልጆች
• የአካል ጉዳተኛ አዋቂ ልጆች፤
• በአሥራዎቹ ዕድሜ ውስጥ የሚገኙ ወላጆች ልጆች፤
• በዕድሜ የገፉ ሰዎች እንክብካቤ ስር ያሉ ልጆች፤
• በHead Start፣ Early Head Start ወይም በጥራት ማሻሻያ አውታረ መረብ (Quality Improvement Network፣ QIN) ውስጥ የተመዘገቡ ልጆች፤
• የመኖሪያ ቤት እጦት ያጋጠማቸው ልጆች፤
• በቤት ውስጥ/በቤተሰብ ውስጥ ጥቃት በሚፈጸምባቸው ቤተሰቦች ውስጥ ያሉ ልጆች፤ ወይም
• በሱስ ማገገሚያ ፕሮግራሞች ውስጥ የሚሳተፉ ወላጅ(ዎች) ወይም አሳዳጊ(ዎች) ልጆች።

 

ስለ በብቁነት መስፈርቶች ተጨማሪ መረጃ በዲሲ የልጆች እንክብካቤ ድጎማ ፕሮግራም ፖሊሲ መመሪያ ክፍል 2 (ገጽ 8) ውስጥ ሊገኝ ይችላል። ተጨማሪ ጥያቄዎች ያሏቸው ቤተሰቦች ከላይ ከተጠቀሱት ብቁ ቡድኖች ውስጥ ለአንዱ መስፈርቶችን የሚያሟሉ መሆን አለመሆናቸውን ለመወሰን የሰብአዊ አገልግሎት መምሪያ (DHS)ን ወይም የተፈቀደለት ደረጃ II የልጆች እንክብካቤ አቅራቢን ማነጋገር አለባቸው።

ለድጎማ ጥቅማ ጥቅሞች የሚፈቀደው ከፍተኛ ገቢ ምን ያህል ነው?
ከፌደራል የድህነት ደረጃ (FPL) እስከ 300 በመቶ የሚደርስ ገቢ ያላቸው ቤተሰቦች ሌሎች የብቁነት መስፈርቶችን የሚያሟሉ ከሆነ የልጆች እንክብካቤ ድጎማዎችን ለመቀበል ብቁ ሊሆኑ ይችላሉ። ለልጆች እንክብካቤ ድጎማዎች የሚያስፈልጉ የገቢ መስፈርቶች እዚህ ይገኛሉ።

አንድ ቤተሰብ ለድጎማ ብቁ የሚሆንበት ትክክለኛ የገቢ ደረጃ በቤተሰብ ጠቅላላ ገቢ እና በቤተሰብ መጠን ላይ የተመሠረተ ነው። የልጆች እንክብካቤ ድጎማዎችን ለመቀበል ቤተሰቦች ከገቢ በተጨማሪ ሌሎች መስፈርቶችን ማሟላት አለባቸው። አንድ ቤተሰብ ለድጎማ ብቁ ከሆነ በኃላ፣ ገቢያቸው ቢጨምርም እንኳን—ከዲሲ መካከለኛ ገቢ እስከ 85 በመቶ፣ ወይም በ2023 አራት አባላት ላለው ቤተሰብ $129,000፣ ድጎማውን ማቆየት ይችላሉ።

የልጆች እንክብካቤ ድጎማዎችን ለማግኘት የት እና እንዴት ማመልከት እችላለሁ?
ለዲሲ የልጆች እንክብካቤ ድጎማ ፕሮግራም ለማመልከት በርካታ መንገዶች አሉ። ቤተሰቦች ለእነሱ በተሻለ የሚሰራውን ዘዴ በመጠቀም ማመልከት ይችላሉ። ይሁን እንጂ ከተለመዱ ሰዓታት ውጪ የልጆች እንክብካቤ አገልግሎት የሚፈልጉ ቤተሰቦች (ለምሳሌ፥ ማለዳ፣ ምሽት፣ ሌሊት እና የሳምንት መጨረሻ ላይ የሚቀርብ የልጆች እንክብካቤን ጨምሮ፣ ከሰኞ እስከ አርብ፣ ከ7 a.m.-6 p.m. ካሉት ሰዓታት ውጭ የሚሰጡ የልጆች እንክብካቤ አገልግሎቶች)፣ ብዙ ልጆችን በተለያዩ የልጆች እንክብካቤ አቅራቢዎች ለማስመዝገብ የሚፈልጉ ቤተሰቦች (ለምሳሌ፣ አንድን ህጻን በልጆች እድገት ቤት ውስጥ እና በትምህርት ዕድሜ ላይ ያለን ልጅ ከትምህርት ቤት ሰዓት ውጭ አቅራቢ ጋር)፣ እና በቤት ውስጥ እንክብካቤ አቅራቢ ጋር ለማስመዝገብ የሚፈልጉ ቤተሰቦች በመስመር ላይ ወይም በአካል በDHS ማመልከት አለባቸው። እንዴት እና የት ማመልከት እንደሚቻል ተጨማሪ መረጃ ከዚህ በታች ይገኛል።

• በመስመር ላይ፥ ማመልከቻ ለማስገባት ይህንን አገናኝ ጠቅ ያድርጉ። አንድ ቤተሰብ ማመልከቻውን ካስገባ በኋላ ከDHS መድረሱን የሚያረጋግጥ የኢሜይል ማሳወቂያ ይቀበላል። DHS ማመልከቻውን ከገመገመ በኋላ የጎደለ ማንኛውም አስፈላጊ ሰነድ ካለ ከቤተሰቡ ጋር ክትትል ያደርጋል። የተሟሉ ማመልከቻዎች ለብቁነት ይገመግማሉ።
• በDHS በአካል፡ ቤተሰቦች በDHS አገልግሎት ማዕከል ማመልከት ይችላሉ። በአካል ቀርበው ማመልከት የሚፈልጉ ቤተሰቦች ከጉብኝታቸው በፊት እዚህ ላይ የሚገኘውን ማመልከቻ እንዲያትሙ እና እንዲሞሉ ይበረታታሉ። ነፃ የህትመት አገልግሎቶች በቤተ-መፃህፍት ካርድ በዲሲ የህዝብ ቤተ-መፃህፍት ይገኛሉ።

Congress Heights አገልግሎት ማዕከል – 4049 South Capitol St. SW

ያለ-ቀጠሮ የሚገባባቸው ጉብኝቶች ለአዳዲስ አመልካቾች በመጀመሪያ የመጣ፣ በመጀመሪያ አገልግሎት በሚያገኝበት አሰራር መሠረት ሰኞ፣ ማክሰኞ እና ረቡዕ ከ7:30 a.m. – 3 p.m. ድረስ ይገኛሉ። ቀጠሮዎች ሐሙስ እና አርብ ከ7:30 a.m.-3:30 p.m ይሰጣሉ። ቀጠሮ ለማስያዝ በ (202) 727-0284 ይደውሉ።

Taylor Street አገልግሎት ማዕከል – 1207 Taylor St. NW

ቀጠሮዎች ከሰኞ እስከ አርብ ከ7:30 a.m. – 4:45 p.m. ይሰጣሉ። ቀጠሮ ለማስያዝ በ (202) 576-8776 ይደውሉ። እባክዎ ልብ ይበሉ፣ በዚህ ቦታ ያለ-ቀጠሮ የሚገባባቸው ጉብኝቶች አገልግሎት አይሰጥም።

Virginia Williams የቤተሰብ መርጃ ሀብት ማዕከል – 64 New York Ave. NE 

የመኖሪያ ቤት እጦት ያጋጠማቸው ቤተሰቦች ሰኞ ወይም ረቡዕ ከ8:30 a.m. – 4:30 p.m. ባለው ጊዜ ውስጥ ቀጠሮ ማስያዝ ይችላሉ። ቀጠሮ ለማስያዝ በ (202) 727-7659 ይደውሉ። እባክዎ ልብ ይበሉ፣ በዚህ ቦታ ያለ-ቀጠሮ የሚገባባቸው ጉብኝቶች አገልግሎት አይሰጥም። 

• በአካል በደረጃ II የልጅ እንክብካቤ አቅራቢ ተቋም፥ ቤተሰቦች የልጆች እንክብካቤ ድጎማ ቅበላ ሂደትን ለማጠናቀቅ የተፈቀደለትን ተቋም መጎብኘት ይችላሉ። የደረጃ II ተቋማት ዝርዝር እዚህ ይገኛል። በደረጃ II የልጆች እንክብካቤ አቅራቢ ተቋም የማመልከቻ ሂደቱን የሚያጠናቅቁ ቤተሰቦች ልጃቸውን በዚያ ተቋም ውስጥ ማስመዝገብ አለባቸው። በአካል ቀርበው ማመልከት የሚፈልጉ ቤተሰቦች ከጉብኝታቸው በፊት እዚህ ላይ የሚገኘውን ማመልከቻ እንዲያትሙ እና እንዲሞሉ ይበረታታሉ። ነፃ የህትመት አገልግሎቶች በቤተ-መፃህፍት ካርድ በዲሲ የህዝብ ቤተ-መፃህፍት ይገኛሉ። ልጆቻቸውን በበርካታ የተለያዩ አቅራቢዎች ለማስመዝገብ የሚፈልጉ ቤተሰቦች በደረጃ II የልጆች እንክብካቤ አቅራቢ ተቋም ማመልከት እንደማይችሉ ነገር ግን በመስመር ላይ ወይም በDHS ማመልከት እንዳለባቸው እባክዎ ልብ ይበሉ።

ማመልከቻውን ለመሙላት የት ጥያቄዎችን መጠየቅ ወይም ድጋፍ ማግኘት እችላለሁ?
ጥያቄ ላላቸው ወይም ማመልከቻውን ለመሙላት እርዳታ ለሚያስፈልጋቸው ቤተሰቦች ድጋፍ አለ። ቤተሰቦች ለድጋፍ ወደ DHS ወይም የደረጃ II የልጅ እንክብካቤ አቅራቢ ተቋምን በአካል መጎብኘት ወይም DC Child Care Connectionsን በ (202) 829-2500 ወይም [email protected] ማነጋገር ይችላሉ።

የልጆች እንክብካቤ ድጎማ ማመልከቻው አካል አድርጌ ማቅረብ ያለብኝ ምን ዓይነት ሰነዶችን ነው?
እንደ ማመልከቻው አካል ቤተሰቦች የልጁን ብቁነት የሚደግፉ ሰነዶችን ማቅረብ አለባቸው። ሰነዶች የኤሌክትሮኒክ ቅጂዎችን ጨምሮ ኦርጅናል ወይም ሊነበቡ የሚችሉ ቅጂዎች ሊሆኑ ይችላሉ። በርካታ የብቁነት መስፈርቶችን ለማረጋገጥ አንድ ነጠላ ሰነድ ጥቅም ላይ ሊውል ይችላል። ለማመልከቻው የሚያስፈልጉ ሰነዶችን በተመለከተ ተጨማሪ መረጃ ለማግኘት የዲሲ የልጆች እንክብካቤ ድጎማ ፕሮግራም ፖሊሲ መመሪያ ክፍል 3.2 (ገጽ 15) ይመልከቱ። 

በማመልከቻዬ ውስጥ ስለ "ሌላው ወላጅ" መረጃ ማቅረብ አለብኝ?
ሁለት ወላጅ ያለበት ቤተሰብ ያላቸው አመልካቾች በቤቱ ውስጥ ለሁለቱም ወላጆች የገቢ መረጃ እና ብቁ የሚያደርግ ፍላጎት መኖሩን የሚያረጋግጥ ማስረጃ ማቅረብ ይጠበቅባቸዋል። ሌላኛው ወላጅ ከልጁ ጋር በተመሳሳይ ቤት ውስጥ የማይኖሩ ከሆነ፣ ነገር ግን የት እንዳሉ የሚታወቅ ከሆነ፣ ሌላኛው ወላጅ በማመልከቻው ላይ መዘርዘር አለባቸው። ሌላኛው ወላጅ የት እንዳሉ የማይታወቅ ከሆነ፣ የገቢ መረጃቸው አያስፈልግም።

ለዲሲ የልጆች እንክብካቤ ድጎማ ፕሮግራም ማመልከቻዬን ካስገባሁ በኋላ ምን ይሆናል?
አንድ ቤተሰብ ለዲሲ የልጆች እንክብካቤ ድጎማ ፕሮግራም ማመልከቻ ካቀረበ በኋላ ማመልከቻው የተሟላ መሆኑን ይገመግማል።

አንድ ቤተሰብ ያልተሟላ ማመልከቻ ካቀረበ፣ አንድ የብቁነት ሰራተኛ ተጨማሪ መረጃ ለመጠየቅ ያነጋግራቸዋል። ቤተሰቡ የተጠየቁትን ሰነዶች ለማቅረብ 30 ቀናት ይኖራቸዋል።

አንድ ቤተሰብ ሁሉንም አስፈላጊ የድጋፍ ሰነዶችን ጨምሮ የተሟላ ማመልከቻ ካቀረበ፣ አንድ የብቁነት ሰራተኛ ሰነዶቹን በመገምገም የቤተሰቡን ብቁነት ይወስናል። የሚከተለው ሂደት የሚወሰነው ቤተሰቡ ማመልከቻውን ባቀረበበት መንገድ ላይ ነው።

• ማመልከቻው በመስመር ላይ ወይም በDHS የቀረበ ከሆነ እና ቤተሰቡ ለልጆች እንክብካቤ ድጎማ ብቁ ሆኖ ከተገኘ ቤተሰቡ ልጁ በተቋሙ ከሚከታተልበት ወይም በዲሲ የልጆች እንክብካቤ ድጎማ ፕሮግራም ውስጥ ከተመዘገበበት የመጀመሪያ ቀን ባልዘለለ ለመፈረም እና ለተመረጠው አቅራቢ ለማቅረብ የመግቢያ ቅጽ ይቀበላል። የመግቢያ ቅጹ የቤተሰቡን መረጃ፣ የልጆች እድገት ተቋም ስም፣ የቤተሰብ ትብብር ክፍያ እና አገልግሎት የሚጀመርበትን ቀን ያመለክታል። አቅራቢው ቅጹን መፈረም እና ልጁ ወደ ተቋሙ ከገባ በኋላ በ24 ሰዓታት ውስጥ ወደ DHS መመለስ አለበት።
• ማመልከቻው በደረጃ II የልጆች እንክብካቤ አቅራቢ ቦታ ላይ የቀረበ ከሆነ እና ቤተሰቡ ለልጆች እንክብካቤ ድጎማ ብቁ ሆኖ ከተገኘ ቤተሰቡ በተቋሙ መከታተል ሊጀምር ይችላል። ምንም የመግቢያ ቅጽ አያስፈልግም።
• ማመልከቻው በመስመር ላይ፣ በDHS ወይም በደረጃ II የልጆች እንክብካቤ አቅራቢ ተቋም የቀረበ ከሆነ እና ቤተሰቡ ለልጆች እንክብካቤ ድጎማ ብቁ እንዳልሆነ ከተረጋገጠ ለቤተሰቡ ብቁ እንዳልሆኑ ይነገራቸዋል እንዲሁም የውሳኔው ምክንያት ይሰጣቸዋል። አንድ ቤተሰብ ሁሉንም የብቃት መስፈርቶች የማያሟላ ከሆነ፣ ሁሉንም አስፈላጊ ሰነዶች ካላቀረበ ወይም የተሳሳተ መረጃ ካቀረበ ብቁ ሆኖ ሊገኝ አይችልም። ቤተሰቡ ውሳኔውን ይግባኝ ማለት ይችላል። የይግባኝ ሂደቱን በተመለከተ ተጨማሪ መረጃ በዲሲ የልጆች እንክብካቤ ድጎማ ፕሮግራም ፖሊሲ መመሪያ ክፍል 11 (ገጽ 37) ውስጥ ሊገኝ ይችላል።

ልጆቼን በተለያዩ አቅራቢዎች ማስመዝገብ እችላለሁ?
አዎ። ልጅ (ልጆች) በበርካታ ተቋማት እንዲከታተሉ ወይም ለማስመዝገብ የሚፈልጉ ቤተሰቦች ማመልከቻውን በመስመር ላይ ወይም በአካል በDHS ማጠናቀቅ አለባቸው።

ቤተሰቤ የቤት ውስጥ እንክብካቤ አቅራቢ መጠቀም ይችላል?

አዎ። ከኦክቶበር 1፣ 2024 ጀምሮ ቤተሰቦች በቤት ውስጥ እንክብካቤ ከመምረጣቸው በፊት ፈቃድ ባለው ተቋም ለመመዝገብ መሞከር አይጠበቅባቸውም። ቤተሰቦች በማመልከቻቸው ላይ (ክፍል 9፡ በቤት ውስጥ እንክብካቤ መረጃን ይመልከቱ) በልጁ ቤት ውስጥ የሚቀርብ እንክብካቤን መጠቀም እንደሚፈልጉ መግለጽ ይችላሉ። ቤተሰቡ ብቁ ሆኖ ከተገኘ፣ የብቁነት ሰራተኛቸው በቤተሰቡ የተለየውን የቤት ውስጥ እንክብካቤ አቅራቢ ስም ለOSSE ያሳውቃል። ከዚያ OSSE በቤት ውስጥ እንክብካቤ አቅራቢ በቤት ውስጥ እንክብካቤ ፖሊሲ ውስጥ የተዘረዘሩትን ሁሉንም መስፈርቶች እንደሚያሟላ ያረጋግጣል እንዲሁም አቅራቢው እንዲፈርም የድጎማ የልጆች እንክብካቤ አቅራቢ ስምምነት ይልካል። በዚህ ጊዜ ቤተሰቡ የመጀመሪያው ቀን እንክብካቤ በልጁ ቤት ውስጥ እንክብካቤ ከሚሰጥበት የመጀመሪያ ቀን ባልዘለለ በመፈረም ለቤት ውስጥ እንክብካቤ አቅራቢ የሚያቀርበው የመግቢያ ቅጽ ይቀበላል። የመግቢያ ቅጹ የቤተሰቡን መረጃ፣ የቤት ውስጥ እንክብካቤ አቅራቢውን ስም፣ የቤተሰብ ትብብር ክፍያ እና የአገልግሎት መጀመሪያ ቀንን ያመለክታል። የመጀመሪያው ቀን እንክብካቤ በልጁ ቤት ውስጥ ከተሰጠ ከ 24 ሰዓት በኋላ በቤት ውስጥ እንክብካቤ አቅራቢው ቅጹን መፈረም እና ወደ DHS መመለስ አለበት። በቤት ውስጥ አቅራቢዎች የጀርባ ምርመራ ማድረግ እና በጤና እና ደህንነት ጉዳዮች ላይ ስልጠና ማግኘት አለባቸው።

ፈቃድ ባለው ተቋም ውስጥ ለልጆች እንክብካቤ ለመክፈል ቀድሞውኑ የልጆች እንክብካቤ ድጎማዎችን እየተጠቀሙ ያሉ እና ወደ ቤት ውስጥ እንክብካቤ አቅራቢ ምደባ ለመለወጥ ወይም ከተለመዱት ውጪ የሆኑ አገልግሎቶችን ለቤት ውስጥ እንክብካቤ ለመጠቀም የሚፈልጉ ቤተሰቦች የብቁነት ሰራተኛቸውን ማነጋገር አለባቸው።

ቤተሰቤ ድጎማዎችን በመጠቀም ለልጆች እንክብካቤ የሚከፍል ከሆነ የልጆች እንክብካቤ አቅራቢዎችን መለወጥ ይችላል?
አዎ። የልጆች እንክብካቤ ድጎማ የሚቀበሉ ቤተሰቦች አቅራቢዎችን ለመቀየር መጠየቅ ይችላሉ። ቤተሰብ ለውጥ ከመጠየቁ በፊት መመዝገብ የሚፈልጉበት ፈቃድ ያለው ድጎማ የሚደረግለት የልጆች እንክብካቤ አቅራቢ ለልጃቸው (ለልጆቻቸው) ክፍት ቦታዎች እንዳሉት ማረጋገጥ አለባቸው። ቤተሰቡ የሚፈለገው አቅራቢ ክፍት ቦታ እንዳለው ካረጋገጠ በኋላ ቤተሰቡ ለDHS በ (202) 727-0284 በመደወል ወይም ወደ DHS በአካል በመሄድ ለውጥ መጠየቅ ይችላል። የDHS ብቁነት ሰራተኛ የልጁን ምደባ ያዘምናል እና አገልግሎቶቹ እንደሚጠናቀቁ ልጁ በአሁኑ ጊዜ አገልግሎቶችን ለሚቀበልበት አቅራቢ ያሳውቃል። የDHS ብቁነት ሰራተኛው ልጁ ወደ ተቋሙ ከገባበት የመጀመሪያ ቀን ባልዘለለ ለአዲሱ አቅራቢ የመግቢያ ቅጽ ይልካል። አቅራቢው እና አመልካቹ ቅጹን መፈረም አለባቸው እና አቅራቢው ልጁ ወደ ተቋሙ ከገባ በኋላ በ24 ሰዓታት ውስጥ ወደ DHS መመለስ አለበት።

ማታ እና/ወይም ቅዳሜና እሁድ የምሰራ ከሆነ፣ ለልጆች እንክብካቤ ለመክፈል የልጆች እንክብካቤ ድጎማዎችን መጠቀም እችላለሁ?
አዎ፣ በዲሲ የልጆች እንክብካቤ ድጎማ ፕሮግራም ውስጥ የሚሳተፉ አንዳንድ የልጆች እድገት ተቋማት በምሽት፣ ሌሊት እና ቅዳሜና እሁድ አገልግሎቶችን ይሰጣሉ (በተጨማሪም ከሰኞ እስከ አርብ፣ ከ7 a.m. እስከ 6 p.m፣ ከተለመዱት ሰዓታት ውጪ የሚቀርብ እንክብካቤ በመባልም ይታወቃል)። በ MyChildcare.dc.gov ላይ በመፈለግ ወይም DC Child Care Connectionsን በ (202) 829-2500 ወይም [email protected] በማነጋገር ስለ ምሽት፣ ሌሊት እና ቅዳሜና እሁድ እንክብካቤ አማራጮች ተጨማሪ መረጃ ማግኘት ይችላሉ። ይህ አማራጭ ፍላጎታቸውን በተሻለ ሁኔታ ካሟላ ቤተሰቦች በቤት ውስጥ የልጆች እንክብካቤ አቅራቢን መምረጥ ይችላሉ (በቤት ውስጥ እንክብካቤ እንዴት እንደሚጠየቅ መረጃ ከላይ ይገኛል)። ከተለመዱት ሰዓታት ውጪ የልጆች እንክብካቤ አገልግሎቶችን የሚፈልጉ ወይም በቤት ውስጥ እንክብካቤ መጠቀም የሚፈልጉ ቤተሰቦች በመስመር ላይ ወይም በ DHS ማመልከት አለባቸው።

ቤተሰቤ ለዲሲ የልጆች እንክብካቤ ድጎማ ፕሮግራም ብቁ ከሆነ አሁንም ለልጆች እንክብካቤ አገልግሎቶች መክፈል አለብኝ?
ለዲሲ የልጆች እንክብካቤ ድጎማ ፕሮግራም ብቁ የሆኑ ቤተሰቦች በቤተሰብ ገቢ ላይ በመመስረት የጋራ ክፍያዎችን እንዲከፍሉ ሊጠየቁ ይችላሉ። ቤተሰቦች አገልግሎቱ ከተፈቀደላቸው በኋላ የጋራ ክፍያቸው ወጪ ይነገራቸዋል። የጋራ ክፍያው የሚከፈለው የልጅ እንክብካቤ ለሚያገኙ በዕድሜ ትልልቅ ለሆኑት ሁለት ልጆች ነው። ቤተሰቦች የጋራ ክፍያዎችን በቀጥታ ልጃቸው (ልጆቻቸው) ለተመዘገቡበት አገልግሎት አቅራቢ ይከፍላሉ። የብቁነት ሰራተኞች ቤተሰቦች የጋራ ክፍያ መስፈርቶችን እንዲገነዘቡ ይረዳሉ። በ12 ወር የብቁነት ጊዜ ውስጥ የአንድ ቤተሰብ የጋራ ክፍያ ሊጨምር አይችልም።

ቅሬታ ማቅረብ የምችለው እንዴት ነው?

ከዲሲ የልጆች እንክብካቤ ድጎማ ፕሮግራም ማመልከቻ ወይም የመወሰን ሂደት ጋር በተያያዘ ቅሬታ ለማቅረብ ለ [email protected] ኢሜይል ይላኩ። የመከልከል ማሳወቂያ ላይ ይግባኝ ለማለት የሚፈልጉ ቤተሰቦች የዲሲ የልጆች እንክብካቤ ድጎማ መርሃ ግብር ፖሊሲ መመሪያ ክፍል 11 (ገጽ 37) ውስጥ የሚገኘውን የይግባኝ ሂደት መከተል አለባቸው።

---

Early Learning Services for Parents

Early Learning